@@ شويه نكت على ماتفرج@@

واحد غبى معدى على صوان وبيسأل هو فى ايه؟ فرد رجل وقال :ده اربعين واحد ميت فقال الغبى:ينهار اسود 40 واحد ماتوا مره واحده فقال الرجل:لأ ده واحد من اربعين يوم فقال الغبى : ينهار اسود ولسه بتدفنوه النهارده فقال الرجل : لأ دول دفنوه من اربعين يوم فقال الغبى : ياه ولسه قاعدين لحد النهارده!!!!!!!

بيقولك مره واحد بيقول لخطييبته لما اجيلك عند البيت وازمرلك تبقى تنزليلي بسرعه قالتله ليه هو انتا جيبت عربيه قالها لاءء جيبت زماره

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت

واحد غبى ...دخل صالون حلاقة و لما الزباين مشيت الحلاق قال له: دورك تعالى احلق لك .... فقاله انا مش جاى احلق .. قاله: امال اية.......... قال انا جاى اسال عن البيه اللى ساكن فوق .. فالست قالت لي اقعد فى الصالون لغايه ما البيه يجى

ضبطوا اتنين أغبية بيلعبوا صلّح لوحدهم

اتنين صحاب أغبية ... الاول بيسأل التانى : هو ابوك متكبر علينا كده ليه ؟ التانى قاله : ليه بس حصل ايه ؟ الاول : من ساعة ما مات مبقاش يعدى يسلّم زى الاول

مرة واحد سمع ان الجرائد هتغلى راح اشترى منها كمية كبيرة

واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح يلغي المحضر الظابط ساله ليه؟؟؟قاله إكتشفت انى كنت راكب ورا

واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على جيشه

واحد جاله جواب ومكتوب في اخره ..... صندوق البريد ص.ب 4 4 ....... الراجل مفهمش يعني إيه ؟ سأل واحد تاني قال له ....يأخي بيقولك عايز صندل بني مقاس 4 4

واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق

واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع الدور الرابع وقابل موظف اخر وقال له عايز فراخ مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام

مرة واحد غبى كان ماسك موبايل و بيتصل و عمال يقول دوري و انت تلاقي ..دوري و انت تلاقي ...دوري و انت تلاقي فكان جانبه واحدة ست فخدت منه الموبايل و بتسمع لاقت واحدة ست بتقول : الرقم الذي طلبته غير موجود بالخدمة

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

مره تلاته قاعدين يلعبوا على قهوه الأول قال:كش ملكّّ.. التانى رد:لا ده شيش يك.. التالت راح واخد الكوتشنه و ماشى

دكتور دخل على مجانين لقاهم معلقين واحد فى السقف وكاتبين علية نجفه ، وواحد مجنون قاعد بعيد عنهم فى الركن ، فسالة اية اللى بيحصل؟ قالة شوف المجانين معلقين الراجل ازاى !! الدكتور قاله ماتروح وتنزله .... رد علية المجنون وقاله ونقعد فى الضلمة يا اخويا

إتنين طرش واقفين على محطة الأوتوبيس فدار بينهم هذا الحوار الأوتوبيس ده رايح مصر الجديدة - إيه ؟ على الحديدة ؟؟ ليه إنت طالب إحسان ؟؟- بذرة الكتان ؟ تلاقيها عند العطار - الجزار ! إنت عاوز لحمة ؟؟ - زحمة ؟! معلش أصل ده معاد خروج الموظفين - نور الدين ؟! معرفوش - متشربوش ؟؟ ليه كفا الله الشر - راس البر ! دا مصيف هادى - المعادى ؟؟ دى ضاحية جميلة - بليلة !!! إنت جعان ؟؟ - عيان ؟؟ متروح للدكتور - حنطور ؟! دى مواصلة جميلة توصلك لحاد الباب - هباب ! و أنا إلى كنت فاكرك محترم - إتخرم ؟؟ هو مين ؟؟ - أسبرين ؟؟ ليه إنت عنك صداع ؟؟ - قراع ؟ دا مرض خطير- فطير ؟؟ د تقيل على المعدة و تمنه غالى - خالى ؟؟ إنت تعرفه ؟؟ دا كبير فى السن - جن ؟! إنت راكبك عفريت !!!! - كبريت ؟ عاوز تولع ؟؟ - أتدلع ؟؟؟؟! مفيش حد غيرك أتدلع عليه ؟؟ ...................... ، فمر بيهم راجل شرطة لقاهم بيتخانقوا فقالهم : واقفين هنا بتعملوا إيه ؟؟ قالولوا : مستنيين الإوتوبيس فقالهم : يانهاركم إسود .. جواسيس ؟؟ طب تعالوا معايا على القسم

واحد غبى بطاريه المحمول بتاعته فضيت منه ، قام معضعضها

فى مرة اتنين ظبات بيتراهنو على اغبى عسكرى عندهم .... فا الظابت الاول ندا العسكرى بتاعه وقالو خد 5 جنية وروح هات لى موبايل جديد ووديه البيت ، الظابت التانى ندة للعسكرى وقاله روح فى البيت اسأل عليا شوفنى موجود ولا لأ ... العسكرين وهما ماشين اتقابله فالأول بيقول للتانى اما انا الظابط بتاعى ده غبى اوى باعتنى اجيبله حاجات وناسى ان النهاردة الأحد والمحلات قافلة... فالتانى قاله مش اغبى من الضابت بتاعى ده باعتنى اسأل علية فى البيت ... هوّ يعنى مفيش فى البلد دى اختراع اسمه تيلفوون

غبى راح يحج ، لما رجع التلفزيون بيسألة الحج كان عامل ازاي معاك ؟ قالهم والله الحمد لله الحج كان تمام والمناسك كانت سهلة وانا انصح اي حد عاوز يحج ، مايحجش الا في السعودية.....

بلد اغبيه جدا عندهم حفره في وسط البلد كل ما حد يعدي يقع فيها ومبيتعلموش كل ما حد يعدي يفع ، قالو نجيب اذكي تلاته في البلد يشوفوا حل للموضوع ، لاول قال نحط عربيه الاسعاف جنب الحفره الي يقع يركب يروح المستشفي ، تاني قال نهد المستشفي ونبني مستشفي جنب الحفره ، تالت قال وليه التعب ده كله احنا نردم الحفره ونفحر حفره جنب المستشفي علي طول

مرة واحد نام متأخر لقا الحلم بدأ

صعيدي قالوله بكره عيد الحب .. قالهم يووووووووه ايه اللخبطه دى ودا صلاته ازاى بقى ?

مرة اربع صاعيدة داخلين امتحان فاجلهم سؤال فى الامتحان وهو كام عددارجل المعزة فاكولوا سأل صاحبهم حسنين ووما كنش بيرد عليهم فالما خلص الامتحان قالولو انتا ما قولتيلناش لية قالهم المراقب كان جنبى ومعرفتيش اطلع المعزة

صعيدي داخل السينما لقى مكتوب ممنوع الدخول لاقل من 18 راح جاب 17 صعيدي ورجع

مره واحد بيقول لواحد صاحبه امبارح وانا مروح البيت سمعت صوت راجل فى اوضه النوم مع مراتى صاحبه قاله وعملت ايه قاله جريت على المطبخ جيبت سكينه وانا خارج الصاله لقيت قفص مانجه قاله ها وعملت ايه قاله عملت كوبايه كبيره وشربتها قاله طيب والراجل اللي فى اوضه النوم قاله وانا مالى مايقوم يعمل لنفسه

واحد بلديتنا قاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول

ملحوظه / لو محدش ضحك انا هيجيلي احباط